Ni chetito nannu pattuko

నీ చేతితో నన్ను పట్టుకో

పల్లవి:    నీ చేతితో నన్ను పట్టుకో 

               నీ ఆత్మతో నన్ను నింపుము

               శిల్పి చేతిలో శిలను నేను  

              అనుక్షణము నన్ను చెక్కుము

1.      ఘోరపాపిని నేను తండ్రి 

          పాప ఊబిలో పడియుంటిని

         లేవనెత్తుము శుద్ధిచేయుము 

         పొందనిమ్ము నీదు ప్రేమను ||నీ||

2.      అంధకార లోయలోన 

         సంచరించిన భయము లేదు

         నీవాక్యం శక్తిగలది

         నా త్రోవకు నిత్య వెలుగు ||నీ||

3.    ఈ భువికి రాజువు నీవే 

       నాహృదిలో శాంతి నీవే

       కుమ్మరించుము నీదు ఆత్మను 

       జీవితాంతం నీ సేవచేసెదన్ ||నీ||

Na hrudayam therichanu

నా హృదయం తెరిచాను

పల్లవి:      నా హృదయం తెరిచాను

                 నీ కోసమే తెరిచాను నీ కోసమే ప్రభూ

                నీ  మందిరం కావాలి నా మది ఎల్లప్పుడు ||2||

1.     నా ఆశవు నా శ్వాసవు నా గమ్యము నీవే

       నాలో వసియింపుము నా జీవన రాగమై ||2||

       నన్ను నీవు మరిచావో నా బ్రతుకే శూన్యం

       నీ సన్నిధియేకదా నాకు పెన్నిధి ప్రభువా ||2|| ||నా||

2.     నీ రప్పల మాటున నన్ను దాగిపోనీ

       నీ ఆలయ దీపానికి ఆజ్యమై కరిగిపోనీ ||2||

       నీ చరణాలపై వాలే ధూళిరేణువు కానీ

       నీ దరినే కడదాక నన్ను ఉండిపోనీ ||2||

Deva ni sparshato

దేవా నీ స్పర్శతో

పల్లవి:   దేవా నీ స్పర్శతో – దేవా నీ శ్వాసతో ||2||

              చేశావు నన్ను మలిచావు నన్ను 

              నీ కంటి పాపగా నిలిపావులే ||2||

1.  కుష్ఠరోగి దరి చేరి ప్రార్థింపగా 

     కరుణ జాలి ప్రేమతో దీవించావు ||2||

     నీ చేతి స్పర్శతో – పరిశుద్ద వాక్కుతో

     నీ ప్రియమైన బిడ్డగా నడిపించుమా ||2||

     నీ పరలోక రాజ్యమున – నను చేర్చుమా ||2|| ||దేవా||

2.     రక్తశ్రావ రోగి నిన్ను తాకినంతనే 

        తనవులోని దైవశక్తి కదలిపోయెను

       నీ జీవ వాక్కుతో పరిశుద్ద వాక్కుతో

       నీ ప్రియమైన బిడ్డగా నడిపించుమా ||2||

       నీ పరలోక రాజుఅమున – నను చేర్చుమా ||2|| ||దేవా||

Dayachupumaya

దయచూపుమయ్య నా యేసయ్య (పవిత్రాత్మ స్వరం-1)

పల్లవి:    దయచూపుమయ్య నా యేసయ్య 

               పాపపు ఊబిలో చిక్కినానయ్య ||2||

               ఆత్మను పంపి అభయమీయ్యవా 

               కరుణసాగరా నా యేసయ్య ||2||

1.   పాపపు మగ్దలేనను క్షమించినయేసా

      పశ్చాత్తాప పేతురును ఆదరించిన యేసా ||2||

      రావయ్య.. నా జీవితాన 

      ప్రసాదించుమయ్య ఈ క్షమాపణను ||దయ||

2.    పాపకరమైన కరములకు అపవిత్రమైన పెదవులకు

       నిలువని నా మనసులకు ||2||

       ప్రసాదించుమయా నాయనా నిలకడను ||దయ||

Swagatam suswagatam

స్వాగతం సుస్వాగతం(పవిత్రాత్మ స్వరం-1)

పల్లవి:       స్వాగతం సుస్వాగతం స్వాగతం సుస్వాగతం ||2||

                   సుస్వరాల శుభ సప్త స్వరాలతో 

                   హృదయపూర్వక ఘన స్వాగతం ||2||

                   దైవజనమ రారండి దేవుని దీవెన పొందండి ||2||

1.    అలసి సొలసిన జనులారా నా యొద్దకు రమ్మని పిలిచెనుగా ||2||

      కష్టసుఖాలతో వ్యాధిబాధలతో ||2|| 

      దేవుని స్తుతించి ఆరాధిద్దాం ||2||

     దైవ జనమా రారండి దేవుని దీవెన పొందండి ||2||

2.   నేనే సత్యమం జీవం మార్గం అనుసరింపుమని పలికెనుగా ||2||

     ఏకకుటుంబం ఐక్య సంఘముగా ||2|| 

     దేవుని స్తుతించి ఆరాధిద్దాంబ ||2||

     దైవ జనమా రారండి దేవుని దీవెన పొందండి ||2||

యాజకులారా ప్రభు సేవకులార

యాజకులారా ప్రభుసేవకులారా(దివ్య రాగం)

పల్లవి:       యాజకులారా ప్రభుసేవకులారా ||2||

                 దైవజనులారా విశ్వాసులారా ||2||

                 తరలిరండి చేర రండి ||2|| - కదరభోజన స్మరణ బలికి ||2||

                 స్వాగతం గమనిపగ – సుస్వాగతం సరిపమగ

                 సుస్వాగతం మగపమపా – సుస్వాగతం పనిగరిసా

                 స్వాగతం స్వాగతం – సుస్వాగతం సుస్వాగతం ||2||

                 స్వాగతం స్వాగతం ఘనస్వాగతం

                   సరిసా నిరాపమపా

 ఆదామవ్వల పాప హరణ యాగమిది

ఆదిమ బలులను ఏకము చేయు బలి యిది ||2||

జీవిత దేవునికి అర్పిత బలి యిది ||2||

శ్రీసభ జనులకు వర పూజ యిది

రండి రారండి బలి పూజలో పాల్గొన రారండి

రండి రారండి ముదమార దేవుని స్తుతి యించుడి ||స్వాగతం||

 గురుకరములతో అర్పితమగు ఈ బలియాగం

ఆత్మల నిరతం పదిలము చేయు స్తుతి యాగం ||2||

పావన దేవునికి ప్రీతికరం ||2|| పావన జనులకు రక్షణ  వరం

రండి రారండి బలి పూజలో పాల్గొన రారండి

రండి రారండి ముదమార దేవుని స్తుతి యించుడి ||స్వాగతం||

యజకుడా క్రీస్తు రాజా

యాజకుడా! క్రీస్తురాజా!

పల్లవి:         యాజకుడా! క్రీస్తురాజా! – నిత్యగురువా నీతిమంతుడా!

                   పాడెదమూ – దూతల బృందముతో కలసి పాడుదాం

                   స్వాగతం – సుస్వాగతం – స్వాగతం – ఘనస్వాగతం

1.  పరమ దేవుని ప్రియసుతుడు 

    లోక ప్రధాన అర్చకుడూ

    సత్యసమర్పణగావించెను ||స్వా||

2. ప్రభుని సన్నిధి మోకరించి

    హృదయ అర్చన – చేయుదాం

    చేతులు మోడ్చి ఆరాధించి 

    దేవుని దీవెనలు పొందుదాం ||స్వా||

సుప్రభాత వేళలో

సుప్రభాత వేళలో ప్రకృతి పులకించగ 

సాకి:       సృష్టికర్త తండ్రి దేవుని ఆరాధింప - రక్షణ దాత క్రీస్తు ప్రభుని ప్రార్థింప

              వరప్రదాత పవిత్రాత్మ సర్వేశుని ప్రణుతింప - దైవ జనమా రారే

              త్రియేక దేవుని కొలువగ రారే

             

             సాసససస గరిపగరి సాసససస గరిపగరి - పాపపపప నిపసనిపగ

             పాపపపప నిపసనిపగ - పనిసరిగా గపనిసరి గాగరిసని

             రిరిసనిప సాసనిపగా - రిగపనిస గపనిస పనిస

పల్లవి:   సుప్రభాత వేళలో ప్రకృతి పులకించగ

            గుడిగంటలు మ్రోగే ప్రభు పూజకు రమ్మని ||2||

            ఆ జీవదాతను కొలువగ నేడే - పరిమళాల నవ సుమాల మాలలతో

            కదలి రండి తరలి రండి వేవేగమే       ||2|| || సుప్రభాత||

1.      ఆదాము పాపము తను బాపుటకు - అరుదెంచెను ఆ దైవమే

         మూసియున్న స్వర్గద్వారములు తెరచుటకు - తానాయెను బలి గొఱ్ఱెపిల్ల ||2||

       కల్వరి బలి వేదికపై అర్పించె యాగబలి   ||2||

       ఆ దివ్య బలికి శుభ సమయమిదే - మచ్చలేని స్వచ్చమైన హృదయాలతో

       కదలి రండి తరలి రండి వేవేగమె  ||2||  ||సుప్రభాత||

2.  అపవాది దాస్యమున మన విడుదలకు - తను చెల్లించే రక్తమూల్యము

     పరలోక తండ్రి దరికి మనలను చేర్చ - నూతన పాస్కగ తను మారెను ||2||

    యాజకుడు అర్పించే ఈ దివ్య పీఠముపై  ||2||

    శాంతి దూత అతడు  వేంచేయును - మరువలేని మధురమైన గీతికతో

    పాడరండి కొలువగ రండి వేవేగమె        ||2||  ||సుప్రభాత||

నీవు గనక లేకపోతే

నీవు గనక లేకపోతే

పల్లవి:        నీవు గనక లేకపోతే – నా బ్రతుకంతా శూన్యమయ్యా

              యేసయ్యా యేసయ్యా – యేసయ్యా యేసయ్యా ||2||

1.    నా జీవిత నావలో నాపడవ ప్రయాణంలో నీవు గనక లేకపోతే

      నా హృదయ వేదనలో నా ఆఖరి శ్వాసలో – నీవు గనక లేకపోతే ||2||

     అంతా శూన్యం బ్రతుకంతా శూన్యం నా చేయి పట్టి నడిపించరావయ్య

     యేసయ్యా యేసయ్యా – యేసయ్యా యేసయ్యా ||2||

2.  ఈలోక సంపదలు నేను కలిగినా నీవు గనక లేకపోతే

    ఎన్నెన్నో పధకాలు నేను వేసినా నీవు గనక లేకపోతే ||2||

    అంతా శూన్యం బ్రతుకంతా శూన్యం నా చేయి పట్టి నడిపించరావయ్య

     యేసయ్యా యేసయ్యా – యేసయ్యా యేసయ్యా ||2||

Nuvuleni naa jeevitam

నువ్వులేని నా జీవితం నా యేసయ్యా

పల్లవి:        నువ్వులేని నా జీవితం నా యేసయ్యా – దారం తెగిన గాలి పటం

              నువ్వులేని నా జీవితం నా యేసయ్యా – గమ్యము లేని గాలి పటం

              రావయ్యా నా యేసయ్యా – నా చేయి పట్టి నడిపించవా

              నా మార్గము నీవై – నా గమ్యము నీవై నను నీవు నడిపించవా

              నువ్వులేని నా జీవితం నా యేసయ్యా – దారం తెగిన గాలి పటం

1.   నది సంద్రములో నడచిన దేవా 

      గాలి తుఫానును అణచిన దేవా

      నా లోని విశ్వాసము బాల పరచవా ||2||

      కరుణతో కరుణించి కాపాడవా కరుణామయా

     నువ్వులేని నా జీవితం నా యేసయ్యా

      గమ్యము లేని గాలి పటం ||నువ్వు||

2.     ప్రార్థనచేయుట నేర్పిన దేవా 

        రక్త చెమటలతో ప్రార్ధించితివా

       నా ప్రార్ధనను బలపరచవా ||2||

      దయతో దీవించి దరిచేర్చవా – దయామయా |నువ్వు|

Lekkaleni papalu

లెక్కలేని పాపాలు (Lekkaleni Paapaalu)

పల్లవి:        లెక్కలేని పాపాలు భారమైన జీవితం

              నూనెలేని దీపములా సాగుచున్న జీవితం

              పగిలి పోయిన మట్టిపాత్రను నేను నాధా

              మరలా నాకు పునర్జీవిత మొసగుమోనాధా  ||2|| ||లెక్క||

              కరుణ చూపుమా నాపై కనికరించుమా

              పాపిని నేను నాధా పాపినీ నేను ||2||

1.     పూర్వపాపపు శాపము మోయుచుండగా

       వ్యాధియు, బాధలు అధికమాయెను ||2||

       దేవా దేవుని ఆత్మ నాలో నీర్జీవమై – పాపం నన్ను పాతాళ త్రోవలో చేర్చే

       కరుణ చూపుమా నాపై కనికరించుమా

       పాపిని నేను నాధా పాపినీ నేను ||2||

2.    వేంచేసి రావయ్యా మంచి దైవమా

       ప్రేమను కరుణను ఒసగుమో ప్రభువా ||2||

       పదిరెట్లు ప్రేమతో తిరిగి నే వచ్చెద

      మరల నన్ను నీ రెక్కల నీడలో వుంచు

      కరుణ చూపుమా నాపై కనికరించుమా

      పాపిని నేను నాధా పాపినీ నేను ||2||

Vedakani chote ledu

వెదకని చోటే లేదు (Vedakani Chote Ledu)

పల్లవి:        వెదకని చోటే లేదు నా దేవుని కోసం

              వెళ్ళని స్థలమే లేదు నా ప్రభుని ప్రేమ కోసం ||2||

              వెదకితిని వేసారితిని అంతటా తిరిగితిన్

              తను కానరాక నే కలత చెందితి ||2||

              వేదనతో రోధనతో కన్నీరు కార్చితి

              నా లోకి తొంగి చూస్తే నా గుండెలో ఉన్నాడు ||2||

              ప్రేమే దేవుని స్వభావము ప్రేమే దేవుడు ||2||

1.  కొండలనడిగ కొండ కోనల నడిగా నా ప్రభువెక్కడని

     సంద్రమును జలరాశుల నడిగ నా ప్రభువెక్కడని

     అడవులనడిగ అందుజీవుల నడిగ ||2||

     ఉలుకే లేదు పలుకే లేదు జవాబేలేదు ||నాలో||

2.  రివ్వున ఎగిరే గువ్వల నడిగ దేవుడు ఎక్కడని

     సుమధుర గానాల కోయిల నడిగ నా ప్రభువెక్కడని

     జలజల పారే సెలయేటి నడిగ ||2||

    ఉలుకే లేదు పలుకే లేదు జవాబేలేదు ||నాలో||

Cherithi Prabhuva Nee Sannidhi

                  

         చేరితి ప్రభువా నీ సన్నిధి

సాకి:           సర్వ సృష్టి స్థితిలయ కారకా 

                     శ్రీ (యెహోవా) ప్రభువైన దేవా

                       కన్య మరియ గర్భాన వెలసిన  

 శ్రీ యేసునాధా...

                      పిత సుతులకు అనుబంధమా 

                               పవిత్రాత్మా నమస్తే.... నమస్తే...నమహః...

పల్లవి:     చేరితి ప్రభువా నీ సన్నిధి

                    పూజలు చేయగా నా పెన్నిధి

                             పాడి స్తుతింతును నీ దివ్య నామం

                          వరములు చిందే ఈ దివ్యబలిలో

1.     చీకటి ముసిరిన బ్రతుకులలో 

 వేదన నిండిన ఎడదలలో

        వెలుగును నింపే జ్యోతివి నీవు 

                      నీ కృప మాపై ప్రసరించు దేవా ||చేరితి||

2.    శోధన బాధలు కలిగిన వేళ 

         నీ సిలువే మా కాశ్రయ దుర్గం

              నూతన బలమును ఒసగుము దేవా

                                       కనురెప్పల మము కాయుము ప్రభువా      ||చేరితి||

Nee Adugulo Na Payanam Vol- 4

ప్రవేశ గీతం 

       రచన, స్వరకల్పన : బ్ర.  ప్రవీణ్ కుమార్ alcp/oss 

గుడి గంటలు మ్రోగినవేళ

పరుగున రారే ప్రియజనమా

క్రీస్తు ప్రభునికిది అర్చన సమయము

దివ్య పూజలో పాల్గొన రండి

యేసుని మహిమలు పొందగా రండి

రారే రారే ఓ దైవ జనమా

క్రీస్తుని కొలవంగా త్వరపడి రారే

1. పరవశ హృదయాలతో ప్రభుని కొలిచెదము

    మేళ తాళాలతో క్రీస్తుని పొగడెదము

    వ్యాధులు బాధలు తొలగించగా వేడెదము

    దివ్య తేజుని పొగడి మహిమ చాటెదము

2. సుమధుర వాక్యమును ఆలించ చేరెదము

    ధూప దీపముతో పూజింప పాల్గొందుము

    జీవిత గమ్యమంత యేసుతో నడిచెదము

   యేసుని కలుసుకొని ప్రభు ప్రేమను చాటెదము

అనుక్రమ గీతం

రచన, స్వరకల్పన: Fr. Isaac

నీ ప్రేమతో ప్రభు మేము పయనింతుము

నీ  వాక్కును ప్రభు మేము ప్రకటింతుము

1. తేనెకన్న తియ్యనైనది నీ  వాక్యం

    జుంటే తేనె దారలకన్నా మధురమైనది నీ  వాక్యం

   తియ్యనైనది తియ్యనైనది తియ్యనైన నీ వాక్యము

   మధురమైనది మధురమైనది మధురమైన నీ వాక్యము

2. కటిక చీకటి యందు వెలుగు నీ వాక్యం

    గాఢాంధకారం నందు నడుపు నీ వాక్యం

    జ్యోతిగా జ్యోతియై శాంతి క్రాంతి నింపెను

    దివ్వెగా దీపమై శాంతి క్రాంతి నిచ్చెను

అల్లేలూయా గీతం

  రచన, స్వరకల్పన : బ్ర.  ప్రవీణ్ కుమార్ alcp/oss  

అల్లేలూయా అల్లేలూయా

దివ్యవాణి మధురవాణి ధరనికేతించెను

దైవ వాక్కు ప్రేమచూపి జీవమిచ్చును

అల్లేలూయా అల్లేలూయా .......

1. జీవమిచ్చు వాక్కునీవే నా యేసయ్యా

    నాదు  బ్రతుకులో మార్పునిచ్చిన జీవధాయక

    నీదు ఆత్మతో హృదిని నింపి నన్ను నడిపించుమా

    నీ  సాక్షిగా నే చాటెద నీదు వాక్యము

2. జీవకోటి ప్రాణులన్ని నీ సృష్టి భాగ్యమే

    బలము ధైర్యము ఒసగుచున్న ప్రేమ రూపుడా

    నీ మహిమతో నన్ను నింపి ఆదరించుమా

    నీ సాక్షిగా నే చాటెద నీదు వాక్యము

అర్పణ గీతం

రచన, స్వరకల్పన:Fr. Isaac

ప్రభువా నీ పాదపూజకు నేనర్పించెద మనసారా

అప్పద్రాక్ష రసములను స్వీకరించుమా

మా దీన ఫలములను ఆదరించుమా

అర్పించగా వచ్చితిమి దీవించుమా దీవించుమా

1. నా సర్వము సకలం నీ ఒసగిన దానములు 

    అర్పించగా చేరాను నీ పాద సన్నిదికి 

    ఆదరించుమా ఆశీర్వదించుమా 

   ప్రియమార చేకొని దీవించుమా 

2. ఈ భూమి ఫలములు నీ ప్రేమ సిరులు 

    సమర్పించగా వచ్చాము ఈ దివ్య బలిలో 

    స్వీకరించుమా అంగీకరించుమా 

    ముదమార చేకొని దీవించుమా 

విందు గీతం 

  రచన, స్వరకల్పన : బ్ర.  ప్రవీణ్ కుమార్ alcp/oss 

ఈ దివ్య భోజ్యం ప్రభు యేసు ఒసగిన విందు 

అందుకొనగ వేగమె  రండి ఓ దైవ జనమా 

ఆత్మాదాహం తీర్చును అద్భుత విందు 

లోకొన రా రండి ప్రభు జనులారా 

1. కడ రాత్రి సమయమునందు 

    పలికెను తన శిష్యులకు 

    ఇది నా శరీర రక్తం ఆరగించుడి 

    ఈనాడు మనకోసం వెలసినాడు దివ్య పూజలో 

    గోధుమ రొట్టెగా ద్రాక్ష రసముగా 

2. రోగ పాపములన్ని పారద్రోసే విందు 

    మనలను పవిత్రపరచే ప్రభుని ప్రసాదం 

    లోకానికధిపతిగా పాపుల రక్షణకై 

    జన్మించినాడు పశువుల తొట్టెలో 

విందు గీతం 

  రచన, స్వరకల్పన : బ్ర.  ప్రవీణ్ కుమార్ alcp/oss  

విందు విందు  ప్రభు యేసుని విందు 

పొందు పొందు ప్రభు క్రీస్తుని దీవెన పొందు 

కరములు జోడించి శిరమును వంచి 

భక్తితొ  లోకొనుము 

ప్రభు యేసు విందును మనసార 

పొందుము ప్రియమారా 

1. రాజ్యమంత వెదకిన దొరకనిది ఈ విందు 

   లోకమంత ఇచ్చిన సరితూగనిది ఈ విందు 

   మానవ రక్షణ కొరకై కలువరి బలి విందు 

   రాజాది రాజుని ప్రాణత్యాగ మీ విందు 

2. ఆత్మ ఆకలి తీర్చే ఆత్మాహారం 

    కడవరకు శక్తినిచ్చే కడరా భోజనం 

    దోషములు మన్నించే దైవకుమారుని విందు 

    పరమునుండి దిగివచ్చిన పరలోకపు విందు 

ప్రవేశ గీతం 

రచన, స్వరకల్పన: Fr. Isaac

ఆలయ ద్వారం తెరవండి 

తండ్రి దేవుని పూజింప 

యేసుని బలిలో పాల్గొని 

ఆనంద గీతము పాడగా 

పరుగులు తీసి రా రండి 

స్వాగత గీతం పాడండి 

1. నీ దివ్య నామము స్మరియించగా

    వచ్చాము దేవా నీ సన్నిధికి

    స్వరములు కలిపి నిను కీర్తించగా

    నీ వరములు కురిపించుమా

    నీ దీవెనలు ఈ స్థలంలో

2. నీ దివ్య నామము వినాలని 

   చేరాను దేవా నీ  మందిరముకు 

   కరములు జోడించి నిను ప్రార్ధించగా 

   ప్రేమ ఫలములు కురిపించుమా  

    పవిత్రపరచుము ఈ బలిలో 

మరియ మాత గీతం 

  రచన, స్వరకల్పన : బ్ర.  ప్రవీణ్ కుమార్  alcp/oss 

మహిమోన్నతలకు మాతవు నీవు మరియా 

మహార్భుతా చరిత్ర మన్యవు నీవు 

మానవులు వినగా మహిమలు  చేయగా 

రమ్మా మా మరియా  

లూర్దు నగరిలో లూర్దు మాతగా 

వెలసిన మరియమ్మా (మా మరియా)

1. సదమల రూపిణి సద్గుణ శీలి 

    మానవ రక్షణ కారణ మూర్తి 

    అనుక్షణము మమ్ము విడువకు నీవమ్మా 

    నీ కుమారుని చెంత మము చేర్చరావమ్మ 

    వినుమమ్మా మా మొరలన్ 

   ఓ మేరిమాత మా లూర్దు మాత 

2. పరిశుద్దాత్మ అనురాగ బందమా 

    భక్తకోటి జనులా ఆదర్శ ప్రాయమా 

    ఈదీన హృదిని వినుమో మా అమ్మా 

    మాతో కడవరకు నిలువుము మా అమ్మా 

    వినుమమ్మా మా మొరలన్ 

   ఓ మేరిమాత మా లూర్దు మాత 

Prayer of Ignatius Loyola

Prayer of Ignatius Loyola

Soul of my savior; sanctify my breast

Body of Christ be; you my saving guest

Blood of my savior; bathe me in your tide

Wash me you water; gushing from your side

Strength and protection; may your passion be

O blessed Jesus; hear and answer me

Deep in your wounds Lord; hide and shelter me

So shall I never; from you parted be

Guard and defend me; from the malign foe

In death’s dread moments; make me yours alone

Call me and hide me come to you on high

Where I may praise you with your saints for…aye